កម្មវិធី Insight Tech 2018 (អ៊ីនសាយ​ធិច​ ២០១៨​​) គឺជា​​​​ គម្រោងមួយបង្កើតឡើងដោយក្រុមប្រឹក្សាយុវជនឯកអគ្គរដ្ឋទូតសហរដ្ឋអាមេរិកប្រចាំនៅព្រះរាជាណាចក្រកម្ពុជា​ ដែលទាក់ទងទៅនឹងវិស័យបច្ចេកវិទ្យា​ វិទ្យាសាស្រ្តកុំព្យូទ័រ​​ នឹងប្រព្រឹត្តឡើងនៅព្រឹកថ្ងៃ សៅរ៍ ទី ១៥ ខែ កញ្ញា ឆ្នាំ ២០១៨​ ចាប់ពីវេលាម៉ោង ៧: ៣០ នាទីព្រឹកដល់ម៉ោង ១១: ៣០ ព្រឹក នៅមជ្ឈមណ្ឌលសហប្រតិបត្តិការកម្ពុជា-ជប៉ុន(CJCC)។​ 

ដើម្បីលើកទឹកចិត្តសិស្សានុសិស្សកម្ពុជាអោយយល់ដឹងអំពីវិទ្យាសស្រ្តកុំព្យូទ័រ​កាន់តែច្រើន​ កម្មវិធី Insight Tech 2018 ត្រឡប់មកសារជាថ្មី​​ដែលនឹងប្រមូលផ្តុំទៅដោយវាគ្មិន ដែលមាន​ចំណេះដឹង ជំនាញ និង បទពិសោធន៍ទាក់ទងទៅនឹងផ្នែក អភិវឌ្ឍកម្មវិធីក្នុងទូរស័ព្ទដៃ (Mobile Development), បណ្តាញផ្សេងៗ (Network), ការសរសេរ រឺ ដំឡើងកម្មវិធី (Programming), សន្តិសុខតាមបណ្តាញអ៊ីនធើណេត​​ (Cyber Security), ការអភិវឌ្ឍ និង ការរចនាគេហទំព័រ (Web Development), និង វិស្វកម្មសុហ្វវ៊ែរ (Software Engineer) ផងដែរ។ វាគ្មិនតាមជំនាញនីមួយៗនឹងចែករំលែកនូវ​ចំណេះដឹង ជំនាញ និង បទពិសោធន៍របស់ខ្លួនតាមរយះការធ្វើបទបង្ហាញ (Presentation) និង ការពិភាក្សា (Panel discussion)។

លោក ​​​ធុល រិទ្ធី ដែល​ជា​សហស្ថាបនិក​កុំព្យូទ័រ​យួរ​ដៃ​ Koompi​​ បានលើកឡើងថា “ពិភពលោកកំពុងវាយលុកដោយបច្ចេកវិទ្យា ពិសេសគឺវិទ្យាសាស្ត្រកុំព្យូទ័រ។ ហេតុនេះ Insight Tech ជាកម្មវិធីមួយដែលបង្ហាញផ្លូវដល់សិស្សនិសិត្សអោយស្វែងយល់បន្ថែមពីការងារ និង​ការត្រៀមខ្លួនសំរាប់ចូលក្នុងវិស័យនេះ។”

ព័ត៏មានបន្ថែម នឹងការចុះឈ្មោះចូលរួមសិក្ខាសាលា សូមចុច Link ខាងក្រោម៖​

https://www.eventbrite.com/e/insight-tech-2018-registration-48866786875